Juno

An Juno sarong spacecraft na pinaitaas sa espasyo kan NASA bilang saro sa inapod kaining New Frontiers Mission, sa katuyohan na an Juno malikos sa planetang Jupiter. Ini pinataas kan Agosto 5, 2011 asin nakaabot sa planeta kan Hulyo 4, 2016. Yaon an Juno sa polar orbit sa pag'adal kan komposisyon kan planetang Jupiter, an butong kan grabidad kaini, an magnetikong impluensya asin an polar na magnetospera. Maghahanap man ini kan anoman na tandaan kun paano nagporma an planeta, kaiba na diyan an pagdeterminar kun may kagapoan na tagas sa kairaromi, an pagkadakul kan tubig sa atmosperong hararom, an distribusyon kan masa niya asin kadurosan kaini kun gurano kararom asin kakusog, na nag'aabot ngane nin 618 kilometro sa sarong oras (384 mph).^[1][2]

1. ↑ http://www.nasa.gov/centers/goddard/news/topstory/2008/jupiter_lrs.html kinua 8-7-16
2. ↑ http://space-facts.com/jupiter/ kinua 8-7-16